உலக சாதனை புத்தகத்தில் இடம்பிடித்த தமிழ் மாணவி!

மனித உடலிலுள்ள 423 உள் உறுப்புகளின் பெயர்களை 4 நிமிடங்களில் கூறி பொகவந்தலாவையைச் சேர்ந்த கனிஷிகா என்ற 8 வயது பாடசாலை மாணவி சோழன் உலக சாதனை புத்தகத்தில் இடம்பிடித்துள்ளார்.

பொகவந்தலாவையைச் சேர்ந்த சங்கரதாஸ் மற்றும் பாமினி தம்பதிகளின் புதல்வியான பொகவந்தலாவை ஹொலி ரோசரி மகா வித்தியாலயத்தில் 2 ஆம் தரத்தில் கல்வி கற்கும் மாணவியே இவ்வாறு சாதனை படைத்துள்ளார்.

இந்த உலக சாதனை நிகழ்வு இன்றைய தினம் பொகவந்தலாவை ஹொலி ரோசரி மகா வித்தியாலயத்தில் இடம்பெற்றுள்ளது.

இதன்போது சோழன் உலக சாதனை நிறுவனத்தின் பதக்கமும் சான்றிதழும் வழங்கி வைக்கப்பட்டுள்ளது.

இதற்கமைய, உலகில் அதிக நினைவாற்றல் கொண்ட சிறுமிகளின் பட்டியலில் இலங்கை மாணவி கனிஷிகாவும் இணைந்துள்ளார்.