எதற்கும் தயாராக இருங்கள் -மக்களுக்கு இராணுவத்தளபதி விடுத்த அறிவுறுத்தல்.

 

கொரோனா தொற்று ஏற்படும் பகுதிகள் முடக்கப்படும் சாத்தியம் காணப்படுவதால் நீண்ட நாட்களுக்கு தேவையான அத்தியாவசியப் பொருட்களை களஞ்சியப்படுத்துமாறு  மக்களுக்கு  கொவிட் 19 தொற்று பரவலை தடுப்பதற்கான தேசிய செயற்பாட்டு மையம் அறிவுறுத்தியுள்ளது.

கொரோனா தொற்று நோயாளர்களின் எண்ணிக்கை அதிகரிப்பதன் அடிப்படையில் எதிர்வரும் நாட்களில் தொற்று ஏற்பட்ட பகுதிகள் தனிமைப்படுத்தப்படலாம் என்பதால் அதற்கு மக்கள் தயாராக இருக்க வேண்டும் என மையத்தின் தலைவரான ஸ்ரீலங்கா இராணுவத் தளபதி ஜெனரல் ஷவேந்திர சில்வா கூறியுள்ளார்.

மக்களை தூண்டவோ நாட்டில் தற்போதுள்ள நிலை மையை மூடி மறைக்கவோ வேண்டிய தேவையில்லை என்ற போதிலும் எந்தவொரு நிலைமைகளையும் எதிர்கொள்ளும் வகையில் அதற்கு தயாராக இருக்க வேண்டியது முக்கியமானது என அவர் குறிப்பிட்டுள்ளார்.

இதற்கிடையில்இ நோயாளிகளின் எண்ணிக்கை அதிகரித்தால் கோவிட் நோயாளிகளுக்கு கூடுதல் சிகிச்சை மையங்களை அமைக்க ராணுவம் தயாராக இருப்பதாக ஜெனரல் கூறினார்.

"பாதிக்கப்பட்ட அனைவருக்கும் சிகிச்சையளிக்க தேவையான நடவடிக்கைகளை எடுக்குமாறு ஜனாதிபதி அறிவுறுத்தியுள்ளார். அதன்படிஇ தேவைப்பட்டால் மருத்துவமனைகளுக்கு குறைந்தபட்சம் 10இ000 படுக்கைகளை வழங்க இராணுவம் தயாராக இருப்பதாக நாங்கள் சுகாதாரத் துறைக்கு அறிவித்துள்ளோம்.

“நாம் என்ன சவால்களை எதிர்கொண்டாலும்இ எந்த அலைகளை எதிர்கொண்டாலும்இ நாம் தோல்வியுற்ற தேசம் அல்ல. நாங்கள் ஒரு தேசமாக உயருவோம்இ ”என்றார்.

ஒக்ஸிஜன் பற்றாக்குறை குறித்து பேசிய ஜெனரல்இ நாட்டில் உள்ள நோயாளிகளுக்கு ஒக்ஸிஜன் தேவை குறித்த தகவல்களை ஒவ்வொரு 12 மணி நேரத்திற்கும் ஒரு முறை சுகாதார சேவைகள் பணிப்பாளர் நாயகத்திடம் தனிப்பட்ட முறையில் கேட்டுள்ளதாக தெரிவித்தார்.

"இலங்கையில் ஒக்ஸிஜன் விநியோக நிறுவனங்கள் தற்போது போதுமான ஒக்ஸிஜன் கையிருப்புக்கள் உள்ளதாக எங்களிடம் தெரிவித்துள்ளன" என்று அவர் கூறினார்.

சில கட்சிகள் தமது நிகழ்ச்சி நிரல்களில் தவறான தகவல்களை பரப்ப முயற்சிப்பதால் இந்த நாட்டின் உத்தியோகபூர்வ நிறுவனங்கள் வெளியிடும் தகவல்களுக்கு மட்டுமே மக்கள் கவனம் செலுத்த வேண்டும் என்றும் தளபதி கேட்டுக்கொண்டார்.