பாணந்துறையில்... புவாத் ஜெம்ஸ் கட்டட திறப்பு விழா!

பாணந்துறை ஜீலான் மத்திய கல்லூரிக்காக கொடைவள்ளல் எம். ஜே. ஏ. புவாத் கட்டிக் கொடுத்த மூன்று மாடிக் கட்டடம்ஞாயிற்றுக்கிழமை (18) காலை 8.30 மணிக்கு சம்பிரதாயபூர்வமாக திறந்து வைக்கப்படவுள்ளது.

எம். ஜே.எம். புவாத் தம்பதியினர் பிரதம அதிதியாகக் கலந்து சிறப்பிக்கும் இத்திறப்பு விழாவில் பிரதம பேச்சாளராக ஷம் ஷம்பௌண்டேஷன் அதிபர் அஷ்ஷெய்க் முப்தி யூசுப் ஹனீபா கலந்து கெள்கிறார்.

அதிதிகளாக களுத்துறை வலயக் கல்விப் பணிப்பாளர் திருமதி பிரியானி முதலிகே, கொழும்பு பல்கலைக்கழக விரிவுரையாளர் கலாநிதிபஸீலா ஸமீல் அஹ்ஸன், டாக்டர் ஏ. பீ.எம். மில்ஹான், சட்டத்தரணி டபிள்யூ. எம்.எம். ஸியாட் ஆகியோர் அழைக்கப்பட்டுள்ளனர்.

விசேட அதிதிகளாக மேலதிக கல்விப்பணிப்பாளர் திருமதி நூருல் ஹினாயா, உதவிக் கல்விப் பணிப்பாளர்களான திருமதி எஸ். எச். விகும், எம். ரி.எம். இல்யாஸ், முன்னாள் பிரதி அதிபர் திருமதி புவாதா ஹானிம், காத்தான்குடி பௌஸ் மௌலவி, பொறியியலாளர் சம்பத் பெரேராஆகியோர் கலந்து கொள்கின்றனர்.

எம். ஜே. எம். புவாத், தனது பெற்றோரின் ஞாபகார்த்தமாகவே இம்மண்டபத்தை நிறுவிக் கொடுத்துள்ளார் என்பது குறிப்பிடத்தக்கது.

இந்நிகழ்வில் அதிபர், ஆசிரியர்கள், மாணவர்கள், பெற்றோர்கள், பாடசாலை அபிவிருத்திச் சங்க உறுப்பினர்கள், பழைய மாணவர்கள்,  ஊர்ப்பிரமுகர்கள், உலமாக்கள் எனப் பலரும் கலந்து சிறப்பிக்கவுள்ளனர்.